Ötən gün 19 yaşadək qızlardan ibarət Azərbaycan milli komandası yoldaşlıq görüşü çərçivəsində Türkiyəyə 0:1 hesabı ilə məğlub olub. Apasport.az saytının məlumatına görə, yığmamızın baş məşqçisi Patrisiya Qonsales oyundan sonra açıqlamasında minimal hesablı məğlubiyyəti dəyərləndirib:

“Hər iki oyunda qeydə alınan nəticələri qənaətbəxş hesab edirəm. Yeni komanda formalaşdırmışıq. İki oyunda bir qol vurduq. Əslində, oyunlar hesaba görə olmadı. Türkiyə millisi həm fiziki, həm də texniki cəhətdən bizdən üstün idi. Bildiyiniz kimi, bizdə U-19 liqası yeni yaradılıb. Buna görə futbolçuların fiziki hazırlığı yüksək səviyyədə deyil. Bizim heyətimiz əsasən 1996-97-ci il təvəllüdlü futbolçulardan qurulub. Türkiyə yığması isə elit-raunda hazırlaşdığından heyətində 1995-ci il təvəllüdlü futbolçular vardı”.

Qeyd edək ki, bu komandalar noyabrın 26-da da eyni məkanda üz-üzə gəlmişdi. Həmin oyun 1:1 hesablı bərabərliklə başa çatmışdı.

Mənbə: affa.az

• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək