Həvəskar futbolçular arasında keçirilən Regionlar Kubokunun 2012/13 mövsümünün “Fair Play” mükafatçısının adına aydınlıq gəlib. Apasport.az saytının məlumatına görə, bu, şimali irlandiyalı Ceyms Kallidir.

Bu futbolçu ötən mövsüm sözügedən turnirdə ölkəmizi həvəskarlar arasında keçirilən çempionatın qalibi kimi təmsil edən “Qaraçala”ya yaxşı tanışdır. Belə ki, Salyan təmsilçisi Regionlar Kubokunun final mərhələsində son oyununu məhz Kallinin kapitanı olduğu Şimali İrlandiyanın Şərq Regionu komandasına qarşı keçirmişdi. Bu qarşılaşmada adalılar 5:2 hesabı ilə qalib gəlmişdi.

Qeyd edək ki, “Qaraçala” “Qaradağ Lökbatan”ın hazırkı baş məşqçisi Adil Mahmudovun rəhbərliyi altında peşəkar futbolçularla iştirak etdiyindən, final mərhələsinə 100 faizli nəticə ilə vəsiqə qazanmışdı. Lakin sonradan final mərhələsində əsl həvəskarlar oynadığından, təmsilçimiz bütün qarşılaşmalarda meydanı məğlubiyyətlə tərk etmişdi.

• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək