Futzal üzrə milli komandaların reytinq siyahısı açıqlanıb. Apasport.az saytının məlumatına görə, hesabında 1362 xal olan Azərbaycan yığması siyahıda 14-cü pillədə qərarlaşıb.

Joze Alessionun baş məşqçisi olduğu millimiz ötən reytinq cədvəli ilə müqayisədə 1 pillə geriləyib. Bu geriləmə komandamızın son 2 ayda 2-ci enişidir. Oktyabrda 12-ci olan əvvəl Xorvatiyanı, indi isə Kolumbiyanı qabağa buraxıb.

Gələn il keçiriləcək Avropa çempionatının final mərhələsindəki rəqiblərimizdən olan İtaliya planetin 3-cü komandası adını qoruyub – 1755 xal. 1323 xala malik Sloveniya da 17-ci pillədə qalıb.

Qeyd edək ki, siyahıya isə İspaniya (1973) və Braziliya (1944) milliləri başçılıq edir.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı