Ölkə kubokunun 1/8 final mərhələsi çərçivəsində AZAL üzərində 1:0 hesablı qələbə qazanan “Qarabağ” klubunun futbolçusu Riçard Almeyda qarşılaşmadan sonra apasport.az saytının əməkdaşının suallarını cavablandırıb.

- Çətin qələbə qazandığınız oyunla bağlı nə deyə bilərsiniz?
- AZAL-ı yaxşı tanıyırıq, sərt oynayan komandadır. Mərhələ adlamaq üçün bacardığımızı ortaya qoyduq. 1/4 finala yüksəldiyimiz üçün komanda yoldaşlarımı təbrik edirəm.

- Hesab açılanadək oyununuz alınmırdı. Bu, nədən irəli gəlirdi? Qələbə qazanmağınızda sanki qırmızı vərəqə həlledici oldu...
- Dediyim kimi, rəqib çox sərt, həm də təkbətək epizodlarda çox sıx oynayırdı. Müdafiə xəttini yarmaq isə çox çətin idi. Yaxşı fürsət əldə etdik və Reynaldo şansını əldən vermədi.

- Həftəsonu daha çətin sınağınız olacaq: Lider “Neftçi” ilə qarşılaşacaqsınız. Bu matçda qələbə qazansanız, zirvəyə yüksələcəksiniz. Bu oyun barədə nə düşünürsünüz?
- Çox çətin olacaq. Hər halda, şansları bərabər sayıram.

- Oyun öncəsi “Neftçi”də forma geyinən braziliyalı futbolçularla əlaqə saxlamamısınız?
- Onlarla yalnız yaxın münasibətim var. Amma bunun həmin qarşılaşmaya heç bir aidiyyəti yoxdur.

- Flavinyonun cəzasının azaldılması və onun “Qarabağ”a qarşı oynaması sizi sevindirdi?
- Heç bir problem yoxdur. Kimin oynamasından asılı olmayaraq, hamı komandasının qələbə qazanması üçün çalışacaq.

- I dövrədəki duel maraqsız və qolsuz heç-heçə ilə başa çatdı...
- İndidən nəsə deyə bilmərəm. Qarşılaşmadan sonra danışmaq olar.

- Bəs son matçlarda “Qarabağ” niyə qol vurmaqda çətinlik çəkir?
- Sadəcə, top qapıya girmir. Şükürlər ki, bu dəfə “çərçivə”ni tapdıq. Bundan sonra da bu cür davam etməsinə çalışacağıq.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı