Topaz Premyer Liqasının XVI turunda “İnter”in qonağı olacaq “Xəzər Lənkəran” paytaxtda hazırlıqlarını davam etdirir. Apasport.az saytının məlumatına görə, “Modern” otelində məskunlaşan “ağ-yaşıllar” yeni baş məşqçinin ciddi rejimli qaydaları ilə qarşılaşıblar.

Belə ki, Mustafa Dənizli futbolçulara oteli tərk etməyə qadağa qoyub. Məşqi bitirdikdən sonra oteldə qapalı vəziyyətdə qalmalı olan komanda üzvləri alışmadıqları vəziyyətlə üzləşiblər.

Məsələ ondadır ki, öncəki baş məşqçi Con Toşak komandanın Bakıda olduğu müddətdə adətən futbolçuları sərbəst buraxır və yalnız oyuna bir gün qalmışdan etibarən bir yerə toplanmalarını istəyirdi. Dənizli isə Toşakdan fərqli, komandada ciddi rejim tətbiq edib və qaydaları pozanların da ciddi cəzalandırılacağını bildirib.

12cioyuncu.info

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı