Azərbaycan klublarının cari mövsüm üçün avrokuboklarda çıxışı ilə əlaqədar UEFA tərəfindən AFFA-ya köçürülən məbləğin miqdarı müəyyənləşib. Apasport.az saytının məlumatına görə, qitə futbol qurumu assosiasiyanın büdcəsinə 1 milyon 415 min avro məbləğində vəsait köçürüb.

"Neftçi"yə ölkə çempionu olduğu üçün 200 min, Çempionlar Liqasının II təsnifat mərhələsində çıxış etdiyinə görə 175 min, "İnter" və "Xəzər Lənkəran" Avropa Liqasının II təsnifat mərhələsində mübarizə apardığı üçün hər iki kluba 250 min, "Qarabağ"a isə Avropa Liqasının pley-off mərhələsində iştirak etdiyinə görə 540 min avro məbləğində vəsait ayrılıb.

Qeyd olunmuş pul vəsaitləri AFFA tərəfindən müvafiq olaraq klubların hesabına köçürülüb.

Mənbə: affa.az

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı