Topaz Premyer Liqasının XVII turu çərçivəsində keçiriləcək "Neftçi" ilə oyunun hazırlıqlarını doğma məkanda davam etdirən "Qəbələ"nin planında dəyişiklik edilib. Apasport.az saytının məlumatına görə, matçdan bir gün öncə - dekabrın 14-ü Bakıya yola düşməyi planlaşdıran Yuri Syominin komandası qarlı hava şəraiti səbəbindən paytaxta daha tez yollanacaq.

“Qırmızı-qaralar” Qəbələdə son məşqinə sabah günün birinci yarısında çıxacaq. Günün ikinci yarısında isə komanda Bakıya üz tutacaq. Əyalət təmsilçisinin oyun öncəsi son məşqi dekabrın 14-ü saat 18:00-da qarşılaşmanın keçiriləcəyi "Bakcell Arena"da baş tutacaq.


Xatırladaq ki, "Neftçi"-"Qəbələ" qarşılaşması dekabrın 15-i saat 18:00-da start götürəcək. Görüş "İdman Azərbaycan" telekanalı vasitəsilə canlı yayımlanacaq.

Mənbə: gabalafc.az

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı