Bazar günü "Xəzər Lənkəran”la Topaz Premyer Liqasının XVII turu çərçivəsində qarşılaşacaq "Rəvan” artıq oyun üçün Bakı hazırlığını başa vurub. Apasport.az klub saytına istinadən xəbər verir ki, “aslanlar” bu gün "Bayıl Arena”da məşqə çıxıb.

Təxminən saat yarım davam edən hazırlıqda yalnız zədəli Tofiq Mikayılov iştirak etməyib. Ümumi qrupa qoşulan Elvin Həsənəliyevin durumu da qənaətbəxşdir. Həsənəliyev həftəsonu meydana çıxa biləcək.

4 sarı vərəqəyə görə cəzalı duruma düşən Ceyhun Cavadovla Novruz Məmmədov isə Lənkərana aparılmayacaq. Digər tərəfdən, İvan Pexa və Rəşad Abdullayev cəzasını başa vurub və baş məşqçinin sərəncamında olacaq.

Sabah səhər Lənkərana yola düşəcək Şahin Diniyevin komandası oyun öncəsi son məşqini də Lənkəran şəhər stadionunda həyata keçirəcək.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı