Braziliya futbolunun canlı əfsanəsi Rivaldo karyerasını davam etdirməyə qərar verib. Apasport.az saytının məlumatına görə, 41 yaşlı veteran yarımmüdafiəçi C seriyasında mübarizə aparan “Mogi Mirim”lə 1 illik müqavilə bağlayıb.

Əslində, “Mogi Mirim” Rivaldo üçün yad klub deyil. O, 2008-ci ildən prezidenti olduğu San Paulo regionunu təmsil edən komandada müxtəlif vaxtlarda - 1992-94 və 2010-11-ci illərdə top qovub.

Qeyd edək ki, 1999-cu ildə FİFA tərəfindən ilin futbolçusu seçilən Rivaldonun sonuncu iş yeri vətənində “Sao Kaetano” klubu olub. O, karyerası ərzində Braziliyada “Santa Kruz”, “Korentians”, “Palmeyras” və “Kruzeyro”da, Özbəkistanın “Bunedkor”unda, Avropada isə “Milan”, “Barselona”, “Deportivo”, “Olimpiakos” və AEK-də çıxış edib.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı