“Qəbələ”nin baş məşqçisi Yuri Syomin Azərbaycan millisinin futbolçusu Ruslan Abışovun şərəfini qoruduğu “Rubin” klubunun çalışdıracağı ilə bağlı iddiaya reaksiya verib. Apasport.az saytının məlumatına görə, adı Kazan klubu ilə yanaşı hallanan 66 yaşlı mütəxəssis bu yöndə çıxan xəbərlər şərh vermək istəməyib.

Syomin bu gün Topaz Premyer Liqasının XVIII turu çərçivəsində keçirilən “Qəbələ” – “Bakı” görüşündən sonra (2:0) təşkil edilən mətbuat konfransında “Rubin”dən dəvət alması ilə bağlı ona ünvanlanan suala “çox sağ olun” deyə, cavab verib.

Qeyd edək ki, rusiyalı həmkarlarımız Kurban Berdıyevi istefaya göndərən Tatarıstan təmsilçisinin 3 mütəxəssis arasında seçim edəcəyini yazıb. Göstərilən namizədlər sırasında Yuri Syomin də var.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı