“Barselona”nın oyunundan öncə qalmaqal - 13 nəfər yaralanıb
16.05.2025 - 12:55
La Liqanın 36-cı turunun “Espanyol” – “Barselona” matçından öncə stadionun ətrafında insident yaşanıb.
Apasport.az “Marca” nəşrinə istinadən xəbər verir ki, naməlum sürücü “Espanyol”a məxsus stadionunun yanında azarkeşi vurub.
Ətrafdakı insanlar maşını mühasirəyə alaraq qışqırmağa və əşyalar atmağa başlayıblar. Daha sonra yaşı 45-55 arasında olan qadın sürücü maşını izdihamın arasından sürərkən nəqliyyat vasitəsi qəfildən sürətlənib və insanları vurub.
Hadisə zamanı 13 nəfər xəsarət alıb. Avtomobil maneələrə və ağaca çırpıldıqdan sonra dayanıb.
Daha sonra sürücü saxlanılıb. İlkin araşdırma zamanı məlum olub ki, o, avtomobili qəsdən izdihamın üzərinə sürmək niyyətində olmayıb.
Oxşar xəbərlər
Ana səhifə
Bütün xəbərlər