Qana millisinin futbolçusu Tomas Parti 2026-cı il dünya çempionatında Kanadada keçiriləcək oyunda iştirak edə bilməyəcək.

Apasport.az xəbər verir ki, bu barədə FİFA açıqlama yayıb. Bildirilib ki, yarımmüdafiəçi Qana millisinin ABŞ-ın Boston şəhərindəki bazasından Kanadaya gedə bilməyəcək.

Buna səbəb futbolçunun viza müraciətinin Kanada hökuməti tərəfindən rədd edilməsidir. Bu üzdən Parti Qananın iyunun 17-də Panama ilə keçirəcəyi ilk matçda komandasına kömək edə bilməyəcək.

FİFA açıqlamasında ev sahibi ölkələrin miqrasiya proseslərinə müdaxilə etmədiyini bildirib:

“FİFA təsdiq edir ki, Tomas Parti Qana millisinin ABŞ-ın Boston şəhərindəki bazasından Kanadaya səfər edə bilməyəcək. Onun viza müraciəti Kanada hökuməti tərəfindən rədd edilib. FİFA ev sahibi ölkələrin miqrasiya proseslərinə, o cümlədən viza qərarlarına qarışmır. Əvvəlki FİFA turnirlərində olduğu kimi, vizanın verilməsi və ölkəyə giriş icazəsi ilə bağlı yekun qərarı ev sahibi hökumət qəbul edir”.

Qeyd edək ki, Qana millisi DÇ-2026-da ilk oyununu iyunun 17-də Panama yığmasına qarşı keçirəcək.

• Pavloviçdən maraqlı etiraf: Kurasao adlı ölkəni tanımırdım
• Ceko Kanadaya qarşı ehtiyatda qaldı
• Aziz Yıldırımdan qızına 2 milyardlıq hədiyyə
• Dembeledən Mbappeyə dəstək: "Corabını çəksə də, çəkməsə də..."
• İtaliano Vlahoviçi “Beşiktaş”da görmək istəyir: Şəxsən görüşdü