Super Liqa təmsilçilərindən "Fənərbaxça" "Adidas"la 5 illik razılığa gəlib.

Apasport.az xəbər verir ki, bu barədə türkiyəli idman jurnalisti Yağız Sabuncuoğlu məlumat yayıb. 

"Fənərbaxça" bu müqavilədən illik 8 milyon avro qazanacaq.

"Adidas"ın hər il 4 milyon avro dəyərində məhsul dəstəyi verməsi ilə "Fənərbaxça"nın illik gəliri 12 milyon avroya çatacaq. Müqaviləyə bir sıra idman növləri daxil ediləcək.

"Adidas" çempion olduqları hər növə görə kluba “pul mükafatı” verəcək.

Həmçinin yeni forma dizaynları 2025-ci ildə azarkeşlərə təqdim ediləcək. 

Qeyd edək ki, "Adidas" daha əvvəl də "Fənərbaxça"nın forma sponsorluğunu öz üzərinə götürmüş və klub tarixinin mühüm dövrlərində "sarı-lacivert" formalar istehsal etmişdi.

• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər
• “Çorum”dan səs-küylü transfer – Moukoko Türkiyəyə gəlir