Türkiyə Superliqasının təmsilçisi “Hatayspor”da azərbaycanlı futbolçuların sayı arta bilər.

Apasport.az saytına verilən məlumata görə, komandanın baş məşqçisi Volkan Demirel Azərbaycan millisinin və “Dinamo”nun forvardı Mahir Emrelinin xidmətində maraqlıdır.

O, rəhbərlikdən Emrelinin ən azından qışda icarəyə götürülməsi üçün “Dinamo” ilə danışıq aparmasını istəyib. Əvvəlki məşqçilərlə müqayisədə, Xorvatiya çempionunun hazırkı çalışdırıcısı Sergey Yakiroviç Mahirə etimad göstərdiyindən azərbaycanlı hücumçunun qışda komandadan ayrılıb-ayrılmayacağı dəqiq deyil. Mahir isə Volkan Demirelin diqqətini Azərbaycan millisinin oyunlarına baxarkən çəkib.
26 yaşlı forvardın Zaqreb klubu ilə müqaviləsi 2026-cı il iyunun 30-na qədərdir.

Qeyd edək ki, hazırda Azərbaycan millisinin digər forvardı Renat Dadaşov “Hatayspor”da forma geyinir. O, müqavilə ilə “Qrasshopper”ə məxsus olsa da, bir mövsümlük Türkiyə təmsilçisinə icarəyə verilib.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı