“Mançester Yunayted”in baş məşqçisi Erik Ten Haq postunda qalacaq.

Apasport.az xəbər verir ki, İngiltərə klubunun rəhbərliyi uğursuz nəticələrdən sonra da niderlandlı mütəxəssisə güvənir.

Mövsümün startındakı 10 matçda alınan 6 məğlubiyyət azarkeşlərin qəzəbinə səbəb olsa da, rəhbərlik uğursuzluqda baş məşqçini qınamır. Mançesterlilər Ten Haqı komandanı inkişaf etdirmək üçün ideal mütəxəssis hesab edir.

Çalışdırıcı zədəli oyunçuların çoxluğundan heç vaxt şikayətlənməyib. Lakin rəhbərlik bu amilin də nəticələrə təsir etdiyi qənaətindədir. Klubda eyni vaxtda 12 futbolçunun zədədən əziyyət çəkdiyi dövrü də unutmayıblar.

Qeyd edək ki, “Mançester Yunayted”də hazırda ciddi itkilər var. Lyuk Şou, Tirel Malasiya və Serxio Reqilonun yoxluğunda sol cinah müdafiəçisi mövqeyində yarımmüdafiəçi Sofian Amrabat oynayır.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı