Bakı. Aqşin Əliyev - APA-Sport. Çinin paytaxtı Pekində təşkil olunan stend atıcılığı üzrə Dünya Kuboku başa çatıb. “APA-Sport” agentliyinin məlumatına görə, yarışın son günündə Azərbaycan idmançısı Emin Cəfərov qüvvəsini sınayıb. O, təsnifat mərhələsində 125 mümkün xaldan 112-ni (24, 19, 23, 23, 23) toplayaraq, ilk “altılığ”a düşə bilməyib və bu səbəbdən mübarizəni erkən dayandırıb. Həmyerlimizin final mərhələsinə vəsiqə qazanması üçün 7 xal çatmayıb. Yekunda E.Cəfərov 97 nəfər arasında 42-ci yeri tutub. Dünya Kubokunun qalibi 144 xalla (120+24) yerli idmançı Ridonq Qu olub.
Qeyd edək ki, qadınların yarışında çıxış etmiş digər həmvətənimiz, Sidney Yay Olimpiya Oyunlarının qızıl mükafatçısı Zemfira Meftahəddinova 25-ci pillədə qərarlaşmışdı.

• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib
• Paris-2024 medalları dəyişdirilir: Azərbaycan idmançılarına yeniləri veriləcək