Bakı. Kənan Həsənov – APA-Sport. Azərbaycan bədii gimnastları Qran-Pri turnirində və dünya kubokunun mərhələ yarışında medal qazana bilməyiblər. “APA-Sport” agentliyinin Gimnastika Federasiyasının mətbuat katibliyinə istinadən verdiyi məlumata görə, qrup hərəkətləri üzrə milli komandamızın Rusiyanın Nijni Novqorod şəhərində təşkil olunan dünya kubokunun mərhələ yarışında göstərdiyi ən yaxşı nəticə 5-ci yer olub. Aliyə Qarayeva və Anna Qurbanova isə İspaniyanın Marbela şəhərində keçirilən Qran-Pri turnirində fəxri kürsüyə yüksələ bilməyiblər. Bədii gimnastlarımız çoxnövçülükdə müvafiq olaraq 7-ci və 11-ci yeri tutub. Ayrı-ayrı növlərdə isə A.Qarayevanın ən yaxşı nəticəsi 5-ci, A.Qurbanovanın isə 8-ci pillə olub.

• “Masters” velosipedçilər ilk dəfə Azərbaycan çempionatında yarışacaq
• Milli Olimpiya Komitəsinin nümayəndə heyəti AOK-un 55-ci Baş Assambleyasında iştirak edir
• Azərbaycan Ruandaya badminton avadanlıqları göndərib
• Məktəblilərin Respublika İdman Olimpiadasına start verilir
• Azərbaycanın trek velosipedi millisi beynəlxalq yarışlarda mübarizə aparacaq