Bu gün ölkəmizdə ilk dəfə qılıncoynatma üzrə beynəlxalq turnir start götürüb. Apasport.az saytının məlumatına görə, “Baku Fencing Open” adlı yarışın açılış mərasimində Azərbaycan gənclər və idman naziri Azad Rəhimov, və federasiya prezidenti Nazim İbrahimov çıxış ediblər. Onlar belə bir turnirin ölkəmizdə keçirilməsini tarixi hadisə kimi qiymətləndiriblər və gələcəkdə də paytaxtımızda analoji yarışların təşkil olunacağını söyləyiblər. Daha sonra turnirin təntənəli açılış münasibətilə Azərbaycanın dövlət himni səsləndirilib. Yarışa gəlincə, burada kişi və qadınlar şpaqa, həmçinin sablya növündə mübarizə aparır. Bakı İdman Sarayında keçirilən turnirə 12 ölkədən 110-dək idmançı qatılıb.

“Baku Fencing Open” mayın 24-də yekunlaşacaq.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”