Polşada 1993-94-cü il təvəllüdlü oğlan və qızlar arasında təşkil olunmuş cüdo üzrə “A” kateqoriyalı beynəlxalq turnirə yekun vurulub. Azərbaycan Cüdo Federasiyasının mətbuat xidmətindən apasport.az saytına verilən məlumata görə, yarışda ölkəmizin şərəfini 12 oğlan və 3 qız idmançı qoruyub.

Məşqçilər Rəşad Məmmədov və Rəşad Həsənovun rəhbərlik etdiyi kollektivin 6 üzvü fəxri kürsüyə yüksəlib. Belə ki, Cəlil Cəlilov (66 kq) qızıl, Ceyhun Qatayev (55 kq) və Şəfəq Muradzadə (52 kq) gümüş, Kamran Bağırov (50 kq), Mahir Cəfərli (60 kq) və Andrey Fatiyev (+90 kq) isə bürünc medala layiq görülüblər.

Cüdoçularımız turnirdən sonra 3 günlük təlim-məşq toplanışına qatılıblar. Bu səbəbdən onlar Vətənə həftənin ortalarında dönəcəklər.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”