Azərbaycan şahmatçısı Nicat Abasov Kanadanın Toronto şəhərində keçirilən İddiaçılar Turnirində sonuncu görüşünə çıxıb.

Apasport.az xəbər verir ki, 28 yaşlı qrossmeyster XIV turda Rameşbabu Praqnanandha (Hindistan) ilə üz-üzə gəlib.

Ağ fiqurlar Abasova kömək olmayıb və o, ilk görüşdəki kimi məğlub olub. 14 oyunun nəticəsinə əsasən, N.Abasov 3,5 xal toplayaraq sonuncu, 8-ci yeri tutub.

Hikaru Nakamura (ABŞ) ilə Dommaracu Qukeş (Hindistan), Vidit Santoş (Hindistan) və Əlireza Firuzca (Fransa), rusiyalı Yan Nepomnyaşi ilə amerikalı Fabiano Karuana arasında keçirilən görüşlər heç-heçə başa çatıb.

Turnirinin qalibi isə hindistanlı Dommaracu Qukeş olub. Əmsala görə, Nakamura ikinci, Nepomnyaşi üçüncü, Karuana isə dördüncü yeri tutub.

Nepomnyaşi turnirdə bir dəfə də olsun məğlubiyyət (3 qələbə, 11 heç-heçə) yaşamayan yeganə şahmatçı olub.

Qeyd edək ki, qadınların yarışında İddiaçılar Turnirinin qalibi Çin şahmatçısı Tan Çjuni olub.

• Avropa çempionatında yığmamızın ən reytinqli şahmatçısı Rauf Məmmədov olacaq
• Şahmat Mərkəzində yeni təyinat
• "Vüqar Həşimov" Avropa Kubokunda İsrail klubu ilə qarşılaşacaq
• Azərbaycan klubundan qələbə
• Gimnaziadada çıxış edəcək şahmatçılarımız açıqlanıb