"Fənərbaxça" Cenk Tosunla razılıq əldə edib

12.07.2024 - 18:02

Avstriyada yeni mövsümə hazırlıqlarını davam etdirən “Fənərbaxça” transfer pəncərəsində də aktivdir.

Apasport.az xəbər verir ki, İstanbul klubu “Beşiktaş”la müqaviləsi başa çatan Cenk Tosunu heyətinə qatmağa çox yaxındır.

Artıq tərəflər arasında razılıq əldə olunub. “Ağ-qaralar”la ortaq məxrəcə gələ bilməyən hücumçu yeni komandası ilə 2 illik müqavilə imzalayacaq.

Bu transfer “Fənərbaxça”ya ümumilikdə 2.5 milyon dollara başa gələcək.

Qeyd edək ki, 33 yaşı futbolçu müqaviləyə imza atdıqdan sonra komandaya İstanbulda qoşulacaq.

0 0