AFFA İntizam Komitəsi Azərbaycan Kubokunun 1/4 final mərhələsinin ilk oyunlarında qeydə alınan qayda pozuntuları ilə bağlı cəzaları açıqlayıb.

Apasport.az xəbər verir ki, qurum "Sabah", "Qəbələ" və "Sumqayıt" klublarını cəzalandırıb.

“Sabah” – “Qarabağ” görüşü (1:7) bitdikdən sonra meydana kənar şəxslər daxil olduğu üçün meydan sahibləri 800 manat cərimə edilib.

“Araz-Naxçıvan” – “Qəbələ” matçının (1:1) 75-ci dəqiqəsində qonaqların futbolçusu Lukas Afriko ciddi qayda pozuntusuna görə birbaşa qırmızı vərəqə aldığına görə 1 oyun şərti olmaqla 2 oyun cəzalanıb. “Qəbələ” klubu isə 1500 manat cərimə olunub. Sınaq müddəti 3 ay təyin edilib.

“Sumqayıt” – “Neftçi” qarşılaşmasında (2:3) 4 futbolçusu sarı vərəqə alan meydan sahibləri 700 manat cərimə olunub.

• Avropa Liqasında 2023/2024 mövsümünün ən yaxşı qolu bəlli olub
• “Çelsi” “Barselona”ya çatdı
• Elçin Məmmədov "Fənərbaxça"nın avrokubok matçına təyinat alıb
• "Beşiktaş" Cenk Tosunla yollarını ayırıb
• “İnter”in transfer hədəfi