Bu gün Krakov-2023 III Avropa Oyunlarında kikboksinq yarışlarına start verilib.

Apasport.az saytının məlumatına görə, ilk gündə 1/4 final görüşləri keçirilir.

Azərbaycan yığmasının daha bir təmsilçisi ilk sınağına çıxıb. Elşad Şahbazov 1/4 final döyüşünü keçirib.

86 kq çəkidə mübarizə aparan kikboksçumuz Artyom Melniklə (Ukrayna) qarşılaşıb. Döyüşdən 0:3 hesablı məğlubiyyətlə ayrılan Elşad Avropa Oyunlarında çıxışını başa vurub.

Qeyd edək ki, Polşaya iki idmançı ilə yollanan kikboksinq yığmamızın digər üzvü Fərid Ağamoğlanov (63,5 kq) bu mərhələdə Filip Baraka (Slovakiya) qalib gələrək yarımfinala yüksəlib. O, bununla da Avropa Oyunlarının medalını təmin edib.
 

• UEFA-dan assosiasiyalara xəbərdarlıq: AVRO-2024-dən qovulma riski
• Laport “Mançester Siti”dən gedir
• Qollu kupon
• Ronaldo ərəb paltarında
• Kipr KUPONU