“Neftçi” daha bir transferini rəsmiləşdirib. 

Klubdan apasport.az saytına verilən məlumata görə, macarıstanlı futbolçu Mark Tamaşla 2 illik müqavilə bağlanıb. 

29 yaşlı mərkəz müdafiəçisi komandamızın heyətində 4 nömrəli formanı geyinəcək.

Mark Tamaş Macarıstanın “Videoton” (2012-2013), “Puşkaş Akademiya” (2013-2015), “Dioşqyör” (2015-2020), Polşanın “Şlask” (2020-2022) və Rumıniyanın “Sepsi” (2022-2023) klublarında çıxış edib. Macarıstan milli komandasının heyətində 1 oyun keçirib. O, bu il “Sepsi”nin heyətində Rumıniya kubokunun və Superkubokunun qalibi olub.

Qeyd edək ki, “Neftçi” bundan əvvəl milli komandamızın üzvləri – qapıçı Emil Balayev, Xorvatiya əsilli yarımmüdafiəçi Filip Ozobiçi və braziliyalı mərkəz müdafiəçisi Yuri Matiası transfer edib.

• Azərbaycan gimnastları Bolqarıstana yollandı
• Azərbaycan cüdoçularının Parisdəki rəqibləri bilindi
• Basketbol KUPONU
• 2,91 əmsallıq KUPON
• “Neftçi” Gəncədən əliboş döndü, "Qəbələ" böyükhesabla uduzdu - YENİLƏNİB