Avropa Olimpiya Komitəsinin Rusiya və Belarusla bağlı qərarı dəyişmədi

16.05.2023 - 22:40

Rusiya və Belarus idmançıları Avropa Oyunlarına buraxılmayacaq.

Apasport.az saytı xəbər verir ki, Avropa Olimpiya Komitəsi bu barədə qərarı növbəti dəfə təsdiq edib.

Avropa Oyunları Paris-2024 Yay Olimpiya Oyunlarının boks yarışlarına təsnifat xarakteri daşıyır. Rusiya və Belarus idmançıların turnirə buraxılmaması Olimpiadada onların ən azı 1 növdə təmsil olunmayacaqları ilə nəticələnəcək.

Qeyd edək ki, Avropa Oyunları iyunun 21-dən iyulun 2-dək Polşanın Krakov şəhərində təşkil ediləcək.