“Mançester Yunayted” bu yay hücumçusu Kriştiano Ronaldonu buraxmaq fikrində deyil.

Apasport.az saytının məlumatına görə, “qırmızı şeytanlar” Portuqaliya millisinin kapitanına öz tələbini çatdırıb.

Premyer Liqa təmsilçisi 37 yaşlı superulduzun müqaviləyə sadiq qalmasını istəyib. Çünki rəhbərlik yeni hücumçu transferini gələn ilin yayında reallaşdırmağı planlaşdırır. Hələ də komandanın təlim-məşq toplanışına qatılmayan Ronaldo isə Çempionlar Liqasında iştirak edən klublardan birinə keçmək niyyətindədir.

Qeyd edək ki, ötən mövsüm 39 oyunda 24 qol vuran Kriştiano Ronaldonun “Mançester Yunayted”lə müqaviləsi 2023-cü ilin yayına qədərdir.
 

• “Turan Tovuz”un müdafiəçisi: "Kurban Berdıyev çox sərtdir"
• “Qarabağ” ikinci pillədə - “Mançester Yunayted”dən sonra
• “Qarabağ”ın futbolçusu Almaniyaya baxışa yollanıb
• Nihat Kahvecini La Liqa rekordu qırıldı
• PSJ-nin baş tutmayan sevdası