"Real" son dəqiqələrdə 3 xal qazandı

22.01.2024 - 11:42

İspaniya La Liqasında "Real" doğma meydanda liqa sonuncusu "Almeriya"nı qəbul edib.

Apasport.az xəbər verir ki, "Almeriya" matçın 1-ci dəqiqəsində Largie Ramazani ilə hesabda önə keçib. Qonaqlar 43-cü dəqiqədə Edqar Qonzaleslə xal fərqini 2-yə yüksəldib.

"Real" ikinci hissəyə sürətlə başlayıb. Karlo Ançelottinin komandası 57-ci dəqiqədə Cud Bellinqem ilə fərqi 1-ə endirib, 67-ci dəqiqədə Vinisiusun qolu ilə bərabərliyi təmin edib. "Real" 90+9 - cu dəqiqədə Dani Karvaxalla qələbə qolunu vurub.

Qeyd edək ki, "Real" meydandan qələbə ilə ayrılaraq xal ehtiyatını 51-ə çatdırıb. "Almeriya" isə 6 xalda qalıb.