Bakı - APA-Sport. Bolqarıstan futbolunun əfsanəsi Xristo Stoiçkov vaxtilə şərəfini qoruduğu “Barselona” klubunun “Real”dan daha güclü olduğunu düşünür. “APA-Sport”un məlumatına görə, o, İspaniya çempionatını məhz sabiq komandasının qazanacağını bildirib: “Hazırkı heyət daha güclüdür və çoxlu titul qazanmağa qadirdir. Üstəlik, əsas rəqib “Real” bu mövsüm o qədər də möhkəmlənməyib”.

Stoiçkov “Barselona”nı çalışdırma q istədiyini də qeyd edib: “Bu, mənim ən böyük arzumdur. Fikrimcə, indiyədək komandaya rəhbərlik edən məşqçilər arasında ən yaxşısı Yohan Kroyff olub. Ən pis isə Lui van Qaldır”.

Qeyd edək ki, Stoiçkov “Barselona”nın heyətində dəfələrlə İspaniya çempionu olub və Çempionlar kubokunu qazanıb.

• “Atletiko”dan Vitsel qərarı
• Millətlər Liqası: Türkiyə Uelslə bacarmadı, Almaniyadan darmadağın - YENİLƏNİB
• “Real”ın milli narazılığı
• Məşqçinin vəziyyəti pisləşib, oyun yarımçıq dayandırılıb
• Qvardiolanın “Mançester Siti”dəki taleyi bəlli olub