Bakı. Aqşin Əliyev - APA-Sport. Oktyabrın 11-də dünya çempionatının seçmə qrup mərhələsi çərçivəsində keçiriləcək Finlandiya - Azərbaycan matçının biletlərinin qiyməti açıqlanıb. “APA-Sport”un məlumatına görə, qiymətlər sektorlardan asılı olaraq dəyişir.

Ən bahalı biletlər A sektorunun mərkəzi oturacaqlarına satılacaq - 80 avro. Eyni sektorun künc tribunasında əyləşmək üçün 55 avro xərcləmək lazımdır. Bundan başqa, satışda 55 (D sektoru mərkəz), 40 (D sektoru künc), 30 (C), 20 (B) və 15 (E) avroluq biletlər də var. 6-16 yaşlı uşaqlar, tələbələr və təqaüdçülər D, C, B və E sektorlarına biletləri güzəştlə, təxminən ikiqat ucuz ala biləcəklər. Biletlər yaxın günlərdə satışa çıxarılacaq.

Qeyd edək ki, Helsinki Olimpiya stadionunda baş tutacaq oyunun start fiti Bakı vaxtı ilə saat 19:00-da çalınacaq.

• “Atletiko”dan Vitsel qərarı
• Millətlər Liqası: Türkiyə Uelslə bacarmadı, Almaniyadan darmadağın - YENİLƏNİB
• “Real”ın milli narazılığı
• Məşqçinin vəziyyəti pisləşib, oyun yarımçıq dayandırılıb
• Qvardiolanın “Mançester Siti”dəki taleyi bəlli olub