Bakı. Vüqar Xeyrullayev - APA-Sport. Azərbaycan milli komandasının rəqibi heyətini gücləndirib. “APA-Sport”un məlumatına görə, oktyabrın 11-də dünya çempionatının seçmə mərhələsi çərçivəsində yığmamızla qarşılaşacaq Finlandiyanın baş məşqçisi Stüart Bekster Yari Litmaneni də komandasına dəvət edib.

Bir neçə gün əvvəl 19 nəfərlik heyəti açıqlayan ingiltərəli mütəxəssis 37 yaşlı futbolçunun zədədən sonra bərpa olunacağı halda, dəvətlilər sırasına əlavə ediləcəyini bildirmişdi. Litmanen də öz növbəsində Finlandiya çempionatının son turunda keçirilən “Lahti” – “Haka” oyununun 65-ci dəqiqəsində meydana çıxmaqla Beksteri sevindirib: “Təbii ki, Litmanenin daha hazırlıqlı olmağını istəyərdim. Lakin son günlər göstərdi ki, o əsl peşəkardır və buna görə də onu komandaya dəvət etdim. Düşünürəm ki, Litmanen yığmada da klubundakı son oyunda olduğu funksiyanı yerinə yetirəcək”.

Qeyd edək, Finlandiya yığmasında 115 oyuna 30 qol vuran Litmanen Azərbaycana qarşı keçirdiyi oyunda da meydana sonradan çıxan futbolçu funksiyasını yerinə yetirmişdi.

• Ruslan Qurbanov: "Futbolda oynaya bilməyəcəyimiz rəqib yoxdur"
• Yon Dal Tomasson: "2-3 futbolçunun fiziki durumu ilə bağlı problemi var"
• "Sumqayıt"ın sabiq baş məşqçisi komandasından ayrılıb
• Premyer Liqa klubunun futbolçusu irqçilikdə günahlandırılıb
• Futbol tarixinin ən yaxşı milli komandaları açıqlanıb