Bakı - APA-Sport. Uğursuzluq zolağından çıxa bilməyən “Fənərbaxça” klubunun baş məşqçisi Luis Araqonesin hələ də istefaya göndərilməməsinin səbəbi bəlli olub. “APA-Sport”un məlumatına görə, bunu ispan mütəxəssisin müqaviləsində yer alan xüsusi maddə əngəlləyib.
Belə ki, Araqones klub rəhbərliyi tərəfindən qovulacağı təqdirdə, iki illik müqavilədə nəzərdə tutulan pulu alacaq. Bu məbləğ isə 7 milyon avroya bərabərdir.
“Fənərbaxça” rəhbərliyi də ziyana düşməmək üçün bir mövsümə vergiləri çıxmaqla 3,5 milyon avro qazanan Araqonesin şəxsi istəyi ilə istefa verəcəyinə ümid bəsləyir. 70 yaşlı mütəxəssis isə sonadək vəzifəsini yerinə yetirəcəyini bildirib.

• Ruslan Qurbanov: "Futbolda oynaya bilməyəcəyimiz rəqib yoxdur"
• Yon Dal Tomasson: "2-3 futbolçunun fiziki durumu ilə bağlı problemi var"
• "Sumqayıt"ın sabiq baş məşqçisi komandasından ayrılıb
• Premyer Liqa klubunun futbolçusu irqçilikdə günahlandırılıb
• Futbol tarixinin ən yaxşı milli komandaları açıqlanıb