Bakı - APA-Sport. “Qalatasaray” klubunun Futbol Şöbəsinin müdiri Haldun Üstünəl UEFA kubokunun qrup mərhələsinin püşkünü dəyərləndirib. “APA-Sport”un məlumatına görə, Türkiyənin ən titullu komandasının rəsmisi qrup səddini adlayacaqlarına inandığını bildirib: “Bu mövsüm qarşımıza ciddi hədəflər qoymuşuq. Zədəlilərimiz heyətə döndükdən sonra Avropaya səs salacağımıza inanıram. Qrupu ilk üç pillədə başa vurmaq istəyirik”.

Üstünəl “Qalatasaray”ın keçmiş şöhrətini qaytarmaq istədiklərini xüsusi vurğulayıb: “Komandamızın adını hamıya xatırladacağıq. “Qalatasaray” bir dünya markasıdır. Bu ada layiq heyət formalaşdırmışıq. Yetərincə inam və cəsarətimiz də var. UEFA kubokunda sonadək iddialıyıq”.

Qeyd edək ki, “Qalatasaray” UEFA kubokunun B qrupunda “Benfika” (Portuqaliya), “Herta” (Almaniya), “Olimpiakos” (Yunanıstan) və “Metallist” (Ukrayna) klubları ilə mübarizə aparacaq.

• Ruslan Qurbanov: "Futbolda oynaya bilməyəcəyimiz rəqib yoxdur"
• Yon Dal Tomasson: "2-3 futbolçunun fiziki durumu ilə bağlı problemi var"
• "Sumqayıt"ın sabiq baş məşqçisi komandasından ayrılıb
• Premyer Liqa klubunun futbolçusu irqçilikdə günahlandırılıb
• Futbol tarixinin ən yaxşı milli komandaları açıqlanıb