“Neftçi”nin Rumıniyanın “Otselul” klubu ilə iyulun 7-də keçirilməsi planlaşdırılan yoxlama oyununun vaxtı dəyişdirilib. Apasport.az saytının məlumatına görə, Avstriyadakı görüş hər iki komandanın razılığı ilə bir gün əvvəl baş tutacaq.

Tirol əyalətinin Erpfendorf qəsəbəsində məskunlaşan “ağ-qaralar” səhər məşqini “Kirhoff” stadionunda keçirib. Baş məşqçi Arif Əsədovun rəhbərliyi altında məşqə yüngül qaçışla başlayan futbolçular toplu çalışmalardan, müxtəlif taktiki gedişlərin tətbiqindən sonra, şərti olaraq “ağ” və “qırmızı”lara bölünərək ikitərəfli oyun keçirib. "Neftçi" ikinci məşqini eyni stadionda Bakı vaxtı ilə saat 21:00-da keçirəcək.

Qeyd edək ki, “Neftçi” Avstriyada ilk yoxlama oyununda Türkiyənin məşhur “Beşiktaş” klubu ilə 1:1 hesablı bərabərliyə qalıb.

Mənbə: neftchifc.com

• Paraqvayda tarixi qələbəyə xüsusi qərar - 30 iyun rəsmi tətil elan edildi
• Noyerdən vida - Almaniya millisində son matçına çıxdı
• Naqelsmann istefa barədə düşünmür - “Bir yerə qaçan deyiləm”
• Maurisio: “Meydanda ölməyə hazır idik” - Paraqvaylı futbolçudan açıqlama
• Orlando Hill şou göstərdi - Almaniya ilə oyunun ən yaxşısı seçildi