“Əlbəttə ki, SSRİ vaxtındakı futbolun nostalji hissləri qalıb. Həmin vaxt çempionatımız Avropanın ən güclülərindən idi”. Apasport.az saytının məlumatına görə, bu sözləri Ukraynanın “Volın” klubunun baş məşqçisi Anatoli Demyanenko deyib.

2008-ci ildə Azərbaycanda çalışıb, “Neftçi”nin baş məşqçisi olan ukraynalı mütəxəssis SSRİ çempionatlarını xatırlayıb.

Demyanenko “ağ-qaralar”la o vaxtkı görüşləri unuda bilmir: “Hamı gücünü tam ortaya qoyurdu. Belə mübarizələrlə həm futbolçular, həm komandalar inkişaf edirdi. Moskva “Spartak”ı, “Neftçi”, Tiflis “Dinamo”su, “Ararat” – hamısı fərqli futbol məktəbləri idi. Dəlisov rəqabət var idi. Hətta “Jalgiris” də gəlib bizi uda bilərdi”.

Qeyd edək ki, Demyanenko uzun illər SSRİ yığması və Kiyev “Dinamo”sunun şərəfini qoruyub.

• “Qalatasaray”da Barış Alper Yılmaz qərarı – Növbəti oyunu buraxacaq
• “Qızıl top”un sahibi “Bavariya”da qalır – Yeni müqavilə imzalanacaq
• “Fənərbaxça”nın baş məşqçi siyahısı genişlənir – Pioli, Konte və yerli namizədlər
• “Fənərbaxça”nı müvəqqəti olaraq Dirk Kuyt çalışdıracaq – RƏSMİ
• “Fənərbaxça”da daha bir qəza – Bu dəfə Aziz Yıldırım - VİDEO