David Vilyanın transferi üçün “Barselona”dan rədd cavabı alan “Çelsi” indi də digər ispan hücumçu ilə maraqlanır. Apasport.az saytının “As” qəzetinə istinad məlumatına görə, “zadəganlar” “Sevilya”nın futbolçusu Alvaro Neqredonu qışda heyətinə qatmağı planlaşdırır.

London klubunun baş məşqçisi Rafael Benitesin siyahısında yer alan forvard üçün “Çelsi” rəhbərliyi, “Sevilya”ya 18 milyon avroluq təklif etməyə hazırlaşdığı bildirilir.

İspaniya təmsilçisinin prezidenti Del Nino da bu təkliflə razılaşmaq məcburiyyətindədir. Çünki komanda maliyyə problemləri ilə üzləşib. Elə bunun üçün də Nino futbolçularına göndərilən təklifləri dəyərləndirəcəyini vurğulayıb:

“Bizim bəzi maliyyə problemlərimiz var. Bu çətinlikdən çıxmaq üçün isə oyunçularımıza edilən sərfəli təklifləri dəyərləndirəcəyik”.

Qeyd edək ki, 2009-cu ildən “Seviliya”da çıxış edən Alvaro Neqredo “Çelsi”yə keçəcəyi təqdirdə komandanın 5 hücumçusu olacaq.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər