“Barselona”nın müdafiəçisi Erik Abidal 8 aydan sonra məşqlərə başlayıb. Apasport.az saytının məlumatına görə, bu haqda fransalı futbolçunun özü məlumat verib. Birləşmiş Ərəb Əmrliklərinin paytaxtı Dubayda keçirilən iki günlük futbol konfransından sonra o, mətbuat konfransında jurnalistlərin suallarını cavablandırıb.

Abidal 8 ay bundan öncə qaraciyərinin dəyişdirilməsindən sonra hazırda özünü yaxşı hiss etdiyini bildirib. Artıq Kataloniya klubunda məşqlərə başladığı üçün xoşbəxt olduğunu ifadə edib. O, həmçinin yenidən yaxşı çıxış etməsinə görə, bir az vaxta ehtiyacın olduğunu, komandasının uğur qazanması üçün isə əlindən gələni əsirgəməyəcəyini vurğulayıb.

Qeyd edək ki, Erik Abidal “Barselona”ya 2007-ci ildən “Lion”dan keçib. Burada o, 2 dəfə Çempionlar Liqasının qalibi, 3 dəfə isə İspaniya La Liqasına sahib olub.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər