Azərbaycan millisinin futbolçusu Cihan Özkaranın heyətində yer aldığı Türkiyənin “Sivasspor” klubu qış fasiləsində yeni transferlər edir. Apasport.az saytının məlumatına görə, “Ankaragücü”dən 450 min avroya alınan müdafiəçi Ümit Kurtla 3 illik rəsmi müqavilə imzalanıb.

“Sivasspor”un baş məşqçisi Rza Çalımbay Cihanın oynadığı hücum xəttinə də transfer nəzərdə tutub. Belə ki, o, “Kaysersipor”un və İsveç yığmasının hücumçusu Emir Kujoviçlə maraqlananaraq, ilkin anlaşdıqlarını bildirib. Türkiyəli mütəxəssis mövsümün 2-ci yarısına hazırlıq keçdikləri Antalyada legionerlə yekun danışıqlarla bağlı görüşəcəklərini açıqlayıb.

O, dövrlərarası fasilədə 5-6 futbolçu transfer etmək istədiklərini və bu istiqamətdə danışıqların davam etdiyini söyləyib. O, qürbətçi futbolçular Mahmud Temurla Mert Mutlunu də təlim-məşq toplanışında sınandığını və transferləri ən qısa müddətdə bitirmək istədiklərini deyib.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər