Rusiyanın Sankt-Peterburq şəhərində Valentin Qranatkinin xatirəsinə həsr olunmuş beynəlxalq turnirdə Azərbaycanın 19 yaşadək futbolçulardan ibarət yığma komandasının yer aldığı qrupda II tura start verilib. Apasport.az saytının məlumatına görə, Ukrayna Litvaya 4:0 hesabı ilə qalib gəlib. Bununla, qrupumuzda ilk böyük hesablı nəticə qeydə alınıb.

Ukraynalılar bu qələbədən sonra 4 xalla liderliyi millimizin əlindən alıb. Ancaq 2-ci yerə düşən yığmamız Çexiya ilə hazırda davam edən matçda qalib gələrsə, yenidən 1-ci pillədə yer alacaq.

Qeyd edək ki, hazırda hesabında 3 xal olan millimiz qrupda son oyununu yanvarın 9-da Ukrayna ilə keçirəcək.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər