19 yaşadək futbolçulardan ibarət Azərbaycan milli komandası Ukrayna ilə bu gün keçiriləcək qarşılaşmanın favoritidir. Apasport.az saytının məlumatına görə, millimizin Rusiyanın Sankt-Peterburq şəhərində keçirilən Valentin Qranatkinin xatirəsinə həsr olunan ənənəvi beynəlxalq turnirin qrup mərhələsinin son oyununda qalib gəlməsi daha inandırıcıdır.

Bu qənaətə rusiyalı futbol azarkeşləri gəliblər. Onlar qarşılaşma ilə bağlı keçirilən sorğuda Azərbaycan yığmasının qələbəsinə daha çox ümid etdiklərini ifadə ediblər. Belə ki, səsverməyə qatılanların 54,4 faizi Arif Əsədovun yetirmələrinin qələbəsinə, 12,9 faizi heç-heçəsinə, 32,7 faizi isə məğlubiyyətini proqnozlaşdırır.

Qeyd edək ki, saat 14:15-də başlayacaq matçda qalib gələcək komanda qrupda 1-ci yeri tutacaq.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər