“Bakı”nın Antalyada hazırlıq müddətində Drezden “Dinamo”su ilə yoxlama oyunu keçirmək istəyi baş tutmayıb. Apasport.az saytının məlumatına görə, yanvarın 19-da baş tutmalı görüşdən almanlar son anda imtina edib.

II Bundesliqa təmsilçisi həmin tarixdə həmyerliləri ilə qarşılaşmağa üstünlük verib. Belə ki, “Dinamo”nun yanvarın 19-da sınayacağı rəqib “Münhen 1860” olub. Hər iki klubun rəsmi saytı da həmin tarixdə bir-birləri ilə yoxlama oyunu keçirəcəklərini təsdiqləyib.

Qeyd edək ki, yanvarın 14-dən 28-dək Antalyada olacaq “Bakı” 4 yoxlama oyunu keçirməyi planlaşdırıb. “Zolaqlılar” ayın 27-də “Osiyek” ilə qarşılaşacaqsa, 22 və 23-də rəqiblərin hansı komandalar olacağı bilinmir.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər