Daha bir almaniyalı futbolçu Azərbaycan yığmasına çağırılır. Apasport.az saytının məlumatına görə, “Berqiş Qladbax” klubunda çıxış edən Fatih Şanlı U-21-in heyətinə dəvət olunacaq.

Almaniya türkünün yığmamız üçün milliləşdirildiyini Şimali Reyn-Vestfaliya liqasında çıxış edən klubun baş məşqçisi Ditmar Şaxt açıqlayıb: “Əsas heyətə namizədlərdən biri Fatih Şanlıdır. Hücumçu son vaxtlar daha güclü oynayır. Bunun da mükafatı olaraq Azərbaycan millisinə çağırılıb. Şanlı artıq yarım ildir bizim komandadadır, heyətə də uyğunlaşmaq üzrədir. İndidən onu tərifləmək tezdir. Çünki Fatih indiki oyununu uzun müddət ərzində göstərməlidir”.

Qeyd edək ki, Şanlıya qədər millimizdə Əli Gökdəmir, Cihan Özkara, Ufuk Budak, Uğur Pamuk və başqa Almaniya türkləri də yığmamıza cəlb olunub.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər