Beynəlxalq Futbol Tarixi və Statistikaları Federasiyası (İFFHS) 2012-ci ilin ən yaxşı pleymeykerlərinin siyahısını açıqlayıb. Apasport.az saytının məlumatına görə, qurumun ölkələrdəki nümayəndələri arasında keçirilən sorğuya əsasən planetin ən yaxşı oyun qurucularının ilk “üçlüy”ündə yalnız 1 klubun futbolçuları yer alıb. Bunlar İspaniya “Barselona”sını uğurlara daşıyan oyunçulardır.

Dünyanın ən yaxşısı isə Andres İnyesta olub. İspaniya milli komandasının üzvü 146 xal toplayıb. Klubla yanaşı yığmada da onunla çiyin-çiyinə çıxış edən Xavi Ernandes 128 xala layiq görülüb. Planetin ən güclü futbolçusu seçilən argentinalı Lionel Messi isə pleymeykerlər arasında 3-cü yerlə kifayətlənib – 98 xal. Bu da onun daha çox hücumçu kimi çıxış etməsi ilə bağlıdır.

Qeyd edək ki, İFFHS-in siyahısına cəmi 16 futbolçu düşüb.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər