Azərbaycan yığması FİFA reytinqinə təsir edəcək növbəti oyununu fevralın 6-da keçirəcək. Apasport.az saytının məlumatına görə, Dubayda Lixtenşteynlə baş tutacaq matçın komandamızın mövqeyinə nə dərəcədə təsir edəcəyi məlum olub.

Hazırda hesabında 277 xalı olan millimiz həmin görüşdə qalib gələcəyi halda, bu rəqəm 283-ə çatacaq. Özündən zəif olan rəqibi uda bilməmək isə komandamızın ziyanına işləyəcək.

Belə ki, heç-heçə etməklə millimiz reytinqinin 273 xala düşməsi ilə barışmalıdır. Məğlubiyyət isə daha ciddi sonluqla nəticələnəcək. Həmin halda, yığmamızın reytinqi 268-ə bərabər olacaq.

Qeyd edək ki, fevralın 1-də Özbəkistanla baş tutacaq yoxlama oyunu FİFA reytinqində hesablanmayacaq.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər