“Beşiktaş” “Fənərbaxça”nın sabiq futbolçusu Mamadu Nyanqı Qətərin “Əl-Sədd” klubundan mövsümün sonuna qədər icarəyə götürüb. Apasport.az saytının məlumatına görə, 33 yaşlı hücumçu bu gün İstanbula gəlib. Onu Atatürk Hava Limanında “qara-qartallar”ın idarə heyətinin üzvü Əhməd Kavalcı qarşılayıb.

Seneqallı forvard burada jurnalistlərin suallarını cavablandırıb. O, yenidən İstanbula gəldiyi üçün xoşbəxt olduğunu ifadə edib:

“Məni yenidən bura gətirdiyi üçün “Beşiktaş”a çox təşəkkür edirəm. Burada olduğum üçün xoşbəxtəm. Özümü çox yaxşı hiss edirəm. “Qara-qartallar”ın uğurları üçün əlimdən gələni edəcəyəm”

Daha sonra futbolçu tibbi müayinədən keçmək üçün “Acıbadəm Fulya” xəstəxanasına yollanıb.

Qeyd edək ki, Nyanqın son komandası Qətər “Əl-Sədd”i olub. Seneqallı forvard 2010-cu ilin avqustundan 2011-ci ilin sentyabrınadək “Fənərbaxça”nın formasını geyinib. O, millidə 55 oyuna 19 qol vurub.

• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA
• DÇ-2026-nın qalmaqallı futbolçusu “Everton”da – 50 milyonluq transfer
• “Fənər”də ayrılıq - Dieqo Karlos İtaliya klubunda
• Bir dövrün sonu - MESSİ MİLLİDƏKİ KARYERASINI BAŞA VURDU