“Palermo” rəhbərliyi baş məşqçi Can Pyero Qasperini istefaya göndərib. Apasport.az saytının məlumatına görə, buna səbəb Siciliya klubunun İtaliya A seriyasında uğursuz çıxış etməsi olub.

Yeni məşqçinin adı isə çərşənbə axşamı açıqlanacaq.

Qeyd edək ki, 55 yaşlı Qasperini 16 sentyabr 2012-ci il tarixində "Palermo"nun sabiq çalışdırıcısı Cuzeppe Sanninonun yerinə təyin edilmişdi. Bu komanda onun rəhbərliyi altında 20 matç keçirib və yalnız 3 qələbəyə nail olub. 7 matçda heç-heçə əldə edən siciliyalılar, 10 görüşdə meydanı məğlub tərk edib.

Həmçinin əlavə edək ki, Qasperini "Yuventus"un gənclər komandasına da başçılıq edib. O, məşqçi karyerasına isə 1994-cü ildə başlayıb.

• Talişka “Fənərbaxça”dan ayrılır – “Onu alqışlarla yola salacağıq”
• Ritsu Doan Səudiyyə Ərəbistanına getmədi – 17 milyon avroluq transfer son anda baş tutmadı
• Günün canlı yayımlanacaq matçları - TV AFİŞA
• DÇ-2026-nın qalmaqallı futbolçusu “Everton”da – 50 milyonluq transfer
• “Fənər”də ayrılıq - Dieqo Karlos İtaliya klubunda