Avropanın 6 klubu cəza təhlükəsi ilə üz-üzə qalıb. Apasport.az saytının məlumatına görə, UEFA maliyyə “Fair Play”ini pozan klubları avrokuboklardan kənarlaşdırmağa hazırlaşır.

Belə ki, qurumun təftiş komissiyası "Skonto" (Latviya), "Şlensk" (Polşa), "Gimaraynş" (Portuqaliya), "Panduri" (Rumıniya), "Petrolul" (Rumıniya) və "Metallurq"la (Ukrayna) bağlı araşdırmalara start verib. 2013-cü ilin sonuna qədər onlarla bağlı qərar veriləcək.

Klubun vergi orqanlarına və əməkdaşlarına olan borcları ödənməsə bu komandalar da İspaniya “Malaqa”sı kimi qitə kuboklarında iştirak hüququnu itirəcək. Ümumilikdə isə ilkin araşdırmalarda 31 klubun maliyyə hesabatları yoxlanılıb.

Qeyd edək ki, 2011-ci ildə Avropa klublarının ümumi borcları 57 milyon avro idisə, indi bu rəqəm 9 milyona qədər azalıb.

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı