Türkiyə yığmasının sabiq məşqçisi Oğuz Çətin Azərbaycana gəlib. Apasport.az saytının məlumatına görə, 50 yaşlı mütəxəssis Topaz Premyer Liqasının XIV turunun “Bakı” – “Xəzər Lənkəran” qarşılaşmasını izləyib.

Futbolçu kimi “Fənərbaxça” və Türkiyə yığmasındakı çıxışları ilə tanınan Çətin 13 illik məşqçilik təcrübəsinə malikdir. Vaxtilə “sarı-lacivərdliləri”də çalışdıran mütəxəssis Bakıya “Xəzər Lənkəran”ın dəvəti ilə gəlib. Cənubluların 0:3 hesabı ilə uduzduğu qarşılaşmanı izləyən mütəxəssisin gəlişinin səbəbi hələlik bəlli deyil.

Qeyd edək ki, 2006-11-ci illərdə yığmada köməkçi məşqçi olan Çətin 3 il əvvəl qısa müddətə baş məşqçi əvəzi də olub. Çalışdırıcının son iş yeri isə ötən mövsüm çalışdırdığı aşağı dəstə təmsilçisi “Boluspor” olub.

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı