Futzal üzrə UEFA kubokunun elit-raundunun D qrupundakı “Araz”la həlledici görüşünə görə meydan sahibi “Sportinq” kompensasiya ödəməli olub. Apasport.az saytının məlumatına görə, Lissabon klubunun ev oyunlarını keçirdiyi Almada şəhərindəki kompleksdəki matçı izləmək üçün 2128 bilet alınıb.

Polis orqanları isə idman zalının tutumunun 1700 nəfərlik olduğunu iddia edir. Ona görə də təhlükəsizliyə cavabdehlik daşıyan məsuliyyətli şəxslər oyun günü təxminən 100-ə yaxın azarkeşi meydana buraxmayıb. “Sportinq” tərəfi isə rəsmi şəkildə “Araz”la matçı izləyə bilməyən azarkeşlərdən üzrxahlıq diləyib və 3 gün ərzində biletləri göstərmək şərti ilə onların pullarının tam həcmdə qaytarılacağını bəyan edib.

Qeyd edək ki, noyabrın 24-də keçirilən görüşdə ölkə çempionumuz “Araz” “Sportinq”ə 6:3 hesabı ilə qalib gəlməklə qrupu ilk sırada tamamlayıb ki, bu da Naxçıvan təmsilçisinin apreldə keçiriləcək “Dördlər finalı”na vəsiqə qazanmasına səbəb olub.

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı