“Uotford”un sabiq futbolçusu və baş məşqçisi Kenni Cekett dünyasını dəyişib.

Apasport.az xəbər verir ki, bu barədə İngiltərə klubu məlumat yayıb.

Cekett 64 yaşında vəfat edib.

Uotford şəhərində dünyaya gələn Cekett futbolçu karyerasını doğma klubunda keçirib. O, “Uotford”un heyətində ümumilikdə 428 oyuna çıxıb.

Cekett 1982/83 mövsümündə İngiltərə I Divizionunda ikinci yeri tutan “Uotford”un heyətində yer alıb. O, həmçinin 1984-cü ildə İngiltərə Kubokunun finalında iştirak edib.

Futbolçu karyerasını başa vurduqdan sonra məşqçiliyə də “Uotford”da başlayan mütəxəssis sonradan “Suonsi”, “Milluol”, “Vulverhempton”, “Portsmut” və digər klublara rəhbərlik edib.

Qeyd edək ki, Kenni Cekett Uels millisinin də formasını geyinib.

• “Qalatasaray”da Barış Alper Yılmaz qərarı – Növbəti oyunu buraxacaq
• “Qızıl top”un sahibi “Bavariya”da qalır – Yeni müqavilə imzalanacaq
• “Fənərbaxça”nın baş məşqçi siyahısı genişlənir – Pioli, Konte və yerli namizədlər
• “Fənərbaxça”nı müvəqqəti olaraq Dirk Kuyt çalışdıracaq – RƏSMİ
• “Fənərbaxça”da daha bir qəza – Bu dəfə Aziz Yıldırım - VİDEO