Avropa Liqasının III təsnifat mərhələsinin cavab oyunları çərçivəsində keçirilən “Fənərbaxça” – “Şturm” matçını (1:1) izləyənlər arasında Türkiyə prezidenti Rəcəb Tayyib Ərdoğan da olub. Apasport.az saytı qardaş ölkənin mətbuatına istinadən xəbər verir ki, o, görüşdən sonra mərhələ adlayan “sarı-lacivərtlilər”lə görüşüb.

Paltardəyişmə otağına daxil olan Ərdoğan “Fənərbaxça”nın məşqçi korpusu və futbolçularını bir-bir təbrik edib. Türkiyə prezidenti daha sonra hakimlər otağına yollanıb. Matçın referisi və onun köməkçiləri ilə əl sıxan Ərdoğan oyunun hakim-inspektoru olan həmyerlimiz, AFFA rəsmisi Asim Xudiyevlə də görüşüb.

Qeyd edək ki, ilk görüşdə 2:1 hesablı qələbəyə sevinən “Fənərbaxça” Avropa Liqasının pley-off mərhələsinə vəsiqə qazanıb. 

• "Trabzonspor"dan müdafiəçi transferi - İspaniyadan Türkiyəyə
• İkardi İspaniya yolunda- İki La Liqa klubu hücumçunu istəyir
• Qrinvud İstanbulda - “Fənərbaxça”nın yeni transferi azarkeşlərlə görüşəcək
• Təmsilçilərimizin avrokubok matçları bu kanallarda - TV AFİŞA
• "Arsenal" və "Fransa"ya şok: Saliba yarım il oynamayacaq